Food Card

२०२० मध्ये कोरोना काळ आला. तो काळ समाजाच्या सर्व स्तरांसाठी भयानक होता. ह्या काळात गरजू व्यक्तींना अन्नपुरवठ्याचे कार्य देखील आयकॉन फाऊंडेशनने केले. हे कार्य करीत असतांनाच असे लक्षात आले उपासमारीमुळे अनेक लोक गुन्हेगारीकडे वळाले आहेत. आणि भुक हि अशी गोष्ट आहे जी भुकेल्या मनुष्याकडुन काही ही अनर्थ घडवून आणू शकते. आणि म्हणुनच अभ्यास, संशोधन आणि विचार करून "आयकॉन फूड कार्ड"ची संकल्पना अस्तित्वात आली. पण हे फूड कार्ड म्हणजे नक्की काय आहे? आणि अशा कार्डमुळे काय व कोणाला फायदा होणार आहे? चला, जाणून घेऊया, "आयकॉन फूड कार्ड" बद्दलची संपूर्ण माहिती....

आयकॉन फूड कार्डः आयकॉन फूड कार्ड हे आयकॉन फाऊंडेशनचे प्रीपेड कार्ड आहे ज्यामुळे भीक मागणाऱ्या उपाशी व गरजू व्यक्तींना विनामुल्य, अन्न किंवा चहापाणी मिळु शकेल. आयकॉन फाऊंडेशनने अनेक हॉटेल, कँटीन आणि स्टॉल्स सोबत आयकॉन हातमिळवणी केली आहे. अशा हॉटेल, कँटीन आणि स्टॉल्सना आयकॉन फूड पार्टनर म्हटले जाते. भीक मागणाऱ्या उपाशी व गरजू व्यक्तींना आयकॉन फूड कार्ड देणारी कोणतीही व्यक्ति किंवा संस्था म्हणजे आयकॉन फूड डोनर.

आयकॉन फाऊंडेशन कडुन फूड डोनर्स असे कार्ड विकत घेतील आणि हे कार्ड भीक मागणाऱ्या उपाशी व गरजू व्यक्तींना देतील. त्यानंतर ती व्यक्ती आयकॉन फूड पार्टनरकडे ते कार्ड देऊन, विनामुल्य, अन्न किंवा चहापाणी घेऊ शकते. दिवसाअखेर किंवा ठरलेल्या दिवस व वेळेनुसार आयकॉन फूड पार्टनर्स जमा झालेले कार्ड आयकॉन फाऊंडेशनला परत देऊन पैसे घेईल. अशा रितीने कार्डचा वारंवार वापर होईल आणि उपाशी व गरजू व्यक्तींना अन्न किंवा चहापाणी मिळु शकेल. हे कार्ड रोख रक्कम व अल्कोहॉलयुक्त पेयांसाठी रिडीम केले जाऊ शकत नाही.

आयकॉन फूड कार्ड देण्याचा हेतू (भिकाऱ्यांची बाजू):

• भीक मागणाऱ्या लोकांची संख्या कमी व्हावी (मुख्यतः बालकांची संख्या).
• जे खरेच उपासमारीचा सामना करीत आहेत, त्यांना अन्न मिळावे.
• भीकेच्या रुपात पैसे घेऊन त्या पैश्यांचा व्यसनांवर होणारा गैरवापर थांबवणे.
• अन्नासाठी वाढती गुन्हेगारी कमी करणे.
• कोणी उपाशी राहू नये, उपासमारीने कोणाचा मृत्यु होऊ न देणे.
• अन्नासाठी मजुरी करणाऱ्या बालमजुरांची संख्या कमी करणे.
• भीक मागण्यासाठी लहान मुलांच्या अपहरणाचे प्रमाण कमी करता यावे, अपहरणानंतर होणारा मुलांचा शारीरीक छळ थांबवणे आणि अपहरण करणारे गुन्हेगार व त्यांच्या टोळ्यांचे प्रमाण कमी करता यावे.

आयकॉन फूड कार्ड देण्याचा हेतू (समाजाची बाजू):

• समाज आणि शहर भिकारीमुक्त करण्यासाठी मदत मिळेल.
• भिकाऱ्यांची भूक भागली तर काही काम करण्याची त्यांची मानसिकता तयार होण्यास मदत मिळेल.
• कार्डचा योग्य वापर झाला तर गुन्हेगारीवर काही टक्के आळा घालण्यास मदत मिळेल.

आयकॉन फूड कार्ड देण्याचा हेतू (व्यक्तिगत बाजू):

• फूड डोनरला आपल्या व्यस्त जीवनातून अन्नदानाचे चांगले कार्य करण्याची संधी मिळेल
• अन्नदान हे श्रेष्ठदान असल्याने थोडी पुण्याई कमवता येईल.

Food Card

आयकॉन फूड कार्ड हे आशा आणि उत्कृष्ट रंगांनी अलंकृत आहे, ज्याच्याच्या माध्यमातून आमच्या साहाय्याच्या प्रतिज्ञेचा आभास करतो. त्याचे मुख्य पान आपल्या यूनिटी आणि समर्थनाच्या चिन्हाच्या सुंदर डिझाइनने सज्ज केले गेले आहे. कार्डच्या पाठीवर अत्यंत महत्त्वाची माहिती असलेली जाणीव, संपर्क तपशील आणि कार्यक्रमाचे फायदे स्पष्टपणे दाखवते, असे केले गेले आहे. एक अद्याप वापरकर्त्याच्या मित्रपूटाच्या धार लागू असलेल्या, हा कार्ड आपल्या मिशनचा साक्षी आहे: करुणा आणि समुदाय समर्थनातून आपल्या जीवनांचे बदल करणारे.